НИТХ-ын дөрвөн жилийн ажлыг дүгнэж, НИТХ-ын дарга Ж.Батбаясгалан байр сууриа илэрхийлж байна.

Тэрбээр "Өнгөрсөн дөрвөн жилийн хугацаанд НИТХ нийтдээ 45 удаа хуралдаж, 370 орчим асуудлыг хэлэлцэж, 387 тогтоол шийдвэрийг гаргасан байна.

Хийгдсэн ажлуудаа дүгнэж хэлэхэд хамгийн эхэнд эрх зүйн суурь хуулиудаа сайжруулсан дөрвөн жил байлаа. Саяхан 400 тэрбум төгрөгөөр Улаанбаатар хотын 1,6 сая хүний өмнө тулгамдаж байсан асуудлыг шийдвэрлэх гэж зүтгэж, хөрөнгө оруулалтын ажил нь 60 тэрбумаар хязгаарлагдаж байсан. Тэгвэл өнөөдөр гадаад дотоодын эх үүсвэрийг босгож болох эрх зүйн орчинтой болсон. Үүний нэг нь өөрсдөө үнэт цаас гаргах боломж гарч ирсэн. Төр хувийн хэвшлийн хамтын ажиллагааны хуулиар Улаанбаатар хотын тулгамдсан асуудлыг олон эх үүсвэрээр шийдэх боломж гарч ирсэн. Урсгал зардлаа арай ядан шийдэж байсан Нийслэл хот 6 их наяд давсан хөрөнгийн асуудлыг НИТХ-аар яриад сууж байна" гэлээ.

---