Орхон аймагт энэ сарын 23-ны өдөр орон сууцны байранд ахуйн хийн түлш дэлбэрсэн хэрэг гарчээ.

Энэ талаарх дуудлага мэдээлэл тус аймгийн Онцгой байдлын албанд өдрийн 14 цагт иржээ. Дуудлага ирснээс хойших гурван минутад албаныхан очиход тухайн тоотод хүн байгаагүй бөгөөд цахилгаан зуухыг асаалттай орхисноос гадна хийн түлшээр ажилладаг зуухыг давхар тавьж хэрэглэсэн байдалтай байжээ.

Урьдчилсан байдлаар цахилгаан зуух дээр давхар хийн түлшээр ажилладаг зуух байршуулж хэрэглэснээр дэлбэрэлт болсон гэж дүгнэж байгаа аж. Тиймээс иргэд та бүхнийг болзошгүй аюулаас урьдчилан сэргийлэхийг зөвлөж байна.

---