Ногоон нуур дахин төлөвлөлийн барилгын грашийн хэсэгт гал гарчээ. Онцгой байдлын албан хаагчид гал түймрийн тархалтыг зогсоож, бүрэн унтраахаар ажиллаж байна. 

Тодруулбал, Сүхбаатар дүүргийн 9-р хороонд баригдаж байгаа барилгын грашийн дээврийн хэсэгт гал гарсан гэх дуудлага 15:59 цагт онцгой байдлын газарт иржээ.

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 1,2 дугаар тасгийн бүрэлдэхүүн ажиллаж 16:08 цагт гал түймрийн тархалтыг зогсоож, бүрэн унтраахаар ажиллаж байна.

Сүхбаатар дүүргийн есдүгээр хорооны нутаг дэвсгэрт гэр хорооллын дахин төлөвлөлтийн хүрээнд баригдаж буй Ногоон нуур 1,008 айлын 21 давхар найман блок барилга баригдаж байгаа юм.

---