Эрэн сурвалжлагдаж байсан Б нь саатуулагдах үеэрээ "Toyota Prius-20" маркийн тээврийн хэрэгслээр цагдаагийн гурван алба хаагчийг мөргөж гэмтээн, ойролцоо байсан гурван тээврийн хэрэгслийг мөргөжээ. Цагдаагийн алба хаагчид сэжигтэй этгээдийг баривчлан саатуулжээ.

Тодруулбал, Баянзүрх, Сүхбаатар дүүргийн цагдаагийн газар, Шүүхийн шийдвэр гүйцэтгэх газраас гэмт хэрэгт сэрдэгдсэн этгээдээр эрэн сурвалжлагдаж байсан Б-г энэ оны 09 дүгээр сарын 12-ны өдрийн 02 цагийн орчимд Баянгол дүүргийн нутаг дэвсгэрээс олж тогтоон саатуулах үед цагдаагийн алба хаагчийн шаардлагыг эсэргүүцэн "Toyota Prius-20" маркийн тээврийн хэрэгслийг жолоодон зугтахдаа цагдаагийн 3 алба хаагчийг мөргөж гэмтээн ойролцоо байсан гурван тээврийн хэрэгслийг мөргөжээ.

Цагдаагийн алба хаагчид сэжигтэй этгээдийг баривчлан саатуулсан бөгөөд үргэлжлүүлэн эмнэлгийн тусламж авсан байна. Одоогоор биеийн байдал хэвийн байна гэж ЦЕГ-аас мэдээллээ.

---