Дэлхийн сонгодог урлагийг тодорхойлогч балетын төрөлд энэ цаг үед тэргүүлж буй шилдэг бүжигчдийн “BALLET GALA NIGHT” арга хэмжээ зохион байгуулагдах гэж байна.

Дэлхийн шилдгүүдийн тоглолтыг монголчууддаа толилуулах санаачилга амжилттай хэрэгжиж, 2024 оны 09 дүгээр сарын 14-ны өдөр 14:00, 19:00 цагт “Corporate convenstion center”-т хөшгөө нээн, үзэгчдээ хүлээн авахад бэлэн болжээ.

Монгол Улсад зохион байгуулагдах “BALLET GALA NIGHT” тоглолтод ХБНГУ-ын “Штаатс Опера”, АНУ-ын “Американ Балет театр”-ын тэргүүн гоцлооч Данил Симкин, Унгарын үндэсний театрын тэргүүн гоцлооч Татьяана Мельник,  ОХУ-ын “Марийнский театр”-ын тэргүүн гоцлооч Мария Хорева,  Раманбек Бейшеналиев, ОХУ-ын “Станиславский, Немирович-Данченко”-гийн нэрэмжит театрын гоцлооч Тайга Кодама-Помфрет, Солонгосын үндэсний балетын нэгдүгээр гоцлооч Мин Со Жон,  ОХУ-ын “Марийнский театр”-ын тэргүүн гоцлооч, дэлхийн од Елена Свинко, Максим Изместьев, Казахстан улсын “Астана Опера театр”-ын тэргүүн гоцлооч, Адамжан Бахтияр,  АНУ-ын “Нью Йорк Сити Балет”, Аргентин улсын “Театро Колон”-ы тэргүүн гоцлооч Ана София Шеллер нар бүжиглэх болно.

Дэлхийн оддыг нэгтгэсэн энэхүү “BALLET GALA NIGHT” тоглолт нь Монгол Улсын болон Монголын сонгодог урлагийн хөгжлийн түвшин, уран бүтээлчдийн ур чадвар, нэр нөлөөг илэрхийлэхэд үлэмж нөлөө үзүүлэх нь эргэлзээгүй юм.

---