“Эрдэнэс Тавантолгой” ХК өнөөдөр Монголын Хөрөнгийн Биржийн нээлттэй цахим арилжаагаар 256 мянган тонн нүүрсийг БНХАУ-ын Ганцмод боомтод хүргэж өгөх нөхцөлөөр арилжжээ.

Арилжаанд хоёр худалдан авагч оролцсон бөгөөд нэг тонн нүүрсний үнийг 88.5 ам.доллароос эхлэн дуудаж, 91.5 ам.долларт хэлцэл хийгдсэн байна. 

Ингэснээр “Эрдэнэс Тавантолгой” ХК 2023 оны хоёрдугаар сарын 09-ны өдөр анхны арилжаа хийгдсэнээс хойш нийт 100 удаагийн арилжаагаар 2.59 тэрбум ам.долларын үнэлгээ бүхий 21.7 сая тонн нүүрсийг биржээр борлуулжээ. 

---