Хууль зүй, дотоод хэргийн сайд О.Алтангэрэл хүний эрх, эрх чөлөөний талаар жагсаал цуглааны журмыг тухай хууль, Хэвлэлийн эрх чөлөөний тухай хууль, Хүний эрхийн үндэсний комиссын хууль болон бусад хүний эрхийн дагалдах өөрчлөлтийг өргөн барина. Энэхүү өөрчлөлтийг хийж чадахгүй бол Хууль зүй дотоод хэргийн сайдын ажлаа өгнө гэж мэдэгджээ. 

Хууль зүй, дотоод хэргийн сайд О.Алтангэрэл:

-2014 оноос хойш асуудал хөндөж ярьж, тэмцэж, баригдаж, хоригдож явсныхаа арван жилийн ой дээр би Монгол Улсын Хууль зүй дотоод хэргийн сайдаар томилогдсон. Одоогийн байдлаар яг энэ хууль сахиулах байгууллагынхаа хэмжээнд ямар ч байсан гурван чиглэлээр дорвитой шинэчилнэ гэсэн зорилго тавьчихаад явж байна.

Бид өнөөдөр үнэхээр ардчилсан нийгэмд амьдарч байгаа бол олон жилийн турш дарагдсан иргэдийнхээ дуу хоолойг чөлөөлмөөр байна. Өөрөөр хэлбэл, Сүхбаатарын талбайг нээе. Хоёр дахь зүйл нь, үзэл бодлоо илэрхийлснийхээ төлөө зөндөө ял авч байгаа хэрэг хянан шийдвэрлэх ажиллагаанд өртөж байнга өргөдөл гомдолд дарагдаж, зовж байгаа сэтгүүлчдийнхээ эрх чөлөөг хамгаалъя. Хууль сахиулж байгаа байгууллагуудынхаа хүний эрхийн чиглэлийн үйл ажиллагааг хянадаг тогтолцоотой больё. Хүний эрхийн үндэсний комиссоо шүдтэй болгоё.

Хариуцлагатайгаар хэлье. Хүний эрх, эрх чөлөөний талаар жагсаал цуглааны журмыг тухай хууль, Хэвлэлийн эрх чөлөөний тухай хууль, Хүний эрхийн үндэсний комиссын хууль болон бусад хүний эрхийн дагалдах өөрчлөлтийг өргөн бариад энийг хийж чадахгүй бол би энд Хууль зүй дотоод хэргийн сайд гэж суухаасаа ичнэ. Би ажлаа өгнө гэж мэдэгджээ. 

---