Өнөөдөр орой, шөнөдөө бороо үргэлжлэн орохыг ЦУОШГ-аас мэдээлж байна. Иймд болзошгүй үерийн эрсдэлээс урьдчилан сэргийлэхийг анхааруулж байна. 

Нийслэлийн Онцгой комиссын нарийн бичгийн дарга Д.Оюунбат:

-Өнөөдрийн байдлаар Улаанбаатар хотод үргэлжилсэн бороо орно гэсэн мэдээллийг цаг уурын байгууллагаас гаргасан байна. Энэ хүрээнд нийслэл дүүргийн онцгой байдлын шуурхай штаб болон мэргэжлийн байгууллагууд ажиллаж байна.

Өглөө 10:30 минутаас эхэлж орсон бороо таван цаг орчим үргэлжиллээ. Гэхдээ бороо эрчим харьцангуй зөөлөн бага орлоо. Одоогийн байдлаар хоёр байршил дээр дуудлага мэдээллийн дагуу ажиллаж байна.

Баянгол дүүргийн Акума төвийн урд хэсэг, нарны гүүр орчим нийтийн эзэмшлийн хоёр байршил дээр ажиллаж байна. Яармаг, нисэхийн замд бага зэргийн ус тогтсон байна. Үүний дагуу мэргэжлийн байгууллагууд хяналт шалгалтыг зохион байгуулахаар ажиллаж байна.

Оройдоо 23 цаг хүртэл бороо үргэлжлэн орох төлөвтэй байна. Иймд иргэд, аж ахуйн нэгж байгууллагууд, орон сууц, сөх, мөн граш эзэмшигч нар хамтран байшингийн суурин давхарлуу ус оруулахгүй байх арга хэмжээг авч хаалт хамгаалалтаа хангах, бороо орсон үед хаалт хамгаалалт хийж аюулгүй байдлаа хангаж ажиллахыг анхааруулж байна гэв.

---