НҮБ-ын шийдвэрээр жил бүрийн 12 дугаар сарын 11-ний өдрийг олон улсын “Уулын өдөр” болгон тунхаглан баталж дэлхий даяар тэмдэглэж ирсэн. Энэ өдрийг дэлхийн олон нийт 2003 оноос эхлэн 16 дахь жилдээ тэмдэглэж буй. Жил бүрийн уриа өөр байдаг. Энэ жилийнх “Уулын ач холбогдолд анхаарлаа хандуулья” уриан дор зохиогдох юм. Байгаль орчныг хамгаалах зорилготой олон санал санаачилга гарч, ажил өрнөж байдаг хэдий ч мэргэжилтнүүдийн судалгаагаар уул бол нэг ёсондоо мартагдсан орчин гэж үзэж болохоор.

 

 

 

Чухам ийм учир өнөө жилийн “Уулын өдөр”-ын уриаг уул усны ач холбогдолд олон нийтийн анхаарлыг хандуулж буй ажээ. Хүмүүсийн ахуй амьдралд уул ус ямар ач холбогдолтой, уул усны ойролцоо зохистой аж төрөх, уулархаг бүсэд амьдарч буй хүмүүсийн нааштай үйл ажиллагааг дэмжих, байгаль орчноо хамгаалах талаар энэ өдөр олон нийтийн дунд соён гэгээрүүлэх ажил зохион байгуулахыг Олон Улсын Уулчдын Холбоо/UIAA/-ноос гишүүн байгууллагуудад уриалжээ. ОУУХ нь дэлхийн 68 орны 92 үндэсний уулчдын болон спорт авиралтын байгууллагуудыг нэгтгэдэг. МУҮХ нь тус холбоонд 2010 онд бүрэн эрхэт гишүүнээр элссэн байна.

 

 

 

Уул нь биологийн олон янз байдалд ач холбогдолтой. Дэлхийн биологийн олон янз байдлыг илтгэсэн “халуун цэг”-ийн тал хувь нь ууланд байдаг. Газрын гадаргуйн биологийн олон янз байдлын дөрвөний нэгийг уул тэтгэнэ. Уул ховор ан амьтан, ургамлын байгалийн орчин нь уул юм. Тухайлбал, таван хошуу малаас гадна янгир, аргаль угалз, ирвэс зэрэг ховор амьтан, вансэмбэрүү, цагаан уул цэцэг гээд бүх ургамал хамаарна. 

 

 

---