“Эрдэнэс Тавантолгой” ХК болон “ХУА ЕЭ” ХХК-ийн хооронд байгуулсан гэрээний хүрээнд “Эрдэнэс Тавантолгой” ХК-ийн ажилтнууд 2024.07.17-30-ны өдрүүдэд БНХАУ-д технологийн дадлагажуулах сургалтад хамрагдлаа. 

БНХАУ-ын Бээжин, Шанхай, Сүжоу хотын XCMG брэндийн экскаватор, автосамосваль, автогрейдерийн систем, эд ангийн ажиллах зарчим, засвар үйлчилгээ, тохируулга, Haian үйлдвэрийн LUAN брэндийн дугуйн ашиглалт, технологийн дадлагажуулах сургалтад Үйлдвэр, техникийн газрын Засвар, механикийн хэлтсийн 19 ажилтан амжилттай хамрагдаж, үйлдвэрийн үйл ажиллагаатай танилцаж, туршлага судлав.
Тус сургалтад хамрагдсанаар компанийн өөрийн өмчлөлийн XCMG брэндийн хүнд даацын техникийг урт хугацаанд найдвартай, үр ашигтай ажиллуулах чадварыг эзэмших бөгөөд цаашид засварын баг бүрэлдэхүүнийг чадваржуулах сургалтууд үе шаттайгаар явагдах юм.

 

---