Өнгөрсөн хоногт орсон борооны улмаас Баянзүрх, Хан-Уул, Сонгинохайрхан, Баянгол дүүрэгт гэр, хашаа усанд нийт 28 дуудлагаар нийслэлийн Онцгой байдлын газрын алба хаагчид иргэдийн аюулгүй байдлыг ханган ажиллажээ. 

Тодруулбал, "Айлын гэр, хашаа усанд автсан 17, машин урссан дөрөв, нийтийн эзэмшлийн зам талбай усанд автсан зэрэг дуудлага ирсэн байна. 

Үүнээс 18 дуудлага дээр нийт 126 алба хаагч, 44 техник хэрэгсэлтэйгээр ажиллаж 486,5 тн ус соруулж, усанд боогдсон, гэр, хашаа нь усанд автсан нийт 37 иргэний аюулгүй байдлыг ханган ажилласан байна. 

---