Орхон аймгийн Баян-Өндөр сумын харьяат, улсын начин Өлзийсайханы Батзул зуурдаар амиа алдсан харамсалтай үйл явдал болсон юм. 

Талийгаач нь энэ сарын 1-нд болох Эрдэнэт хотын наадамд оролцохоор бүртгүүлэх замдаа зам тээврийн осолд орсон. Түүнийг өнөөдөр гэр бүл, найз нөхөд, бөх сонирхогчид нь сүүлчийн замд нь үдэж байна. 

Талийгаачийн гэр бүл, бөхөд хайртай Монголын ард түмэнд уншигчдынхаа өмнөөс гүн эмгэнэл илэрхийлье. 

Улсын начин Өлзийсайханы Батзулын гаргасан амжилт: 

2016 онд Орхон аймгийн баяр наадамд зургаа давж шөвгөрөн "Аймгийн харцага" цол хүртсэн.

2020 онд Орхон аймгийн баяр наадамд түрүүлж аймгийн арслан цол хүртсэн. 

2021 онд Орхон аймгийн "Үндэсний бөхийн цол олгох барилдаан"-д түрүүлж аймгийн хурц арслан чимэг нэмсэн.

2022 онд Ардын хувьсгалын 100, 101 жилийн ойн баяр наадамд аймгийн хурц арслан Б.Амарсанаагаар дөрөв, улсын начин Д.Хүдэрбулгаар тав давж "Монгол улсын начин" цол хүртсэн. 

---