Өвөрхангай аймгийн Тарагт сумын Их булаг багийн “Их уул цэргийн хүрээ", "Хонин цохио” гэдэг газар долоодугаар сарын 29-ний 17:00 цагийн орчим аянга бууж, мал хорогджээ.

Энэ тухай мэдээллийг өчигдөр 21:00 цагт онцгой байдлын байгууллагад ирүүлсэн байна. Аянганд 17 бог мал /11 ямаа, 6 хонь/ цохиулж хорогдсон тухай мэдээллийг тус ангийн малын эмч Онцгой байдлын газарт мэдээлжээ.

Мэдээллийн дагуу тус аймгийн Онцгой байдлын газраас ажлын хэсэг мөн өдрийн 21:12 цагт очиж, нөхцөл байдалтай нь танилцсан. Өнөөдөр сэг, зэмийг устгах ажлыг зохион байгуулна. 

---