Авлигатай тэмцэх газраас Жижиг, дунд үйлдвэрийг хөгжүүлэх сан-Асуудал ба шийдэл хэлэлцүүлгийг өнөөдөр зохион байгуулж байна. Монгол Улсын Засгийн газар, МҮХАҮТ болон бусад төрийн болон төрийн бус байгууллагын төлөөлөл оролцож байгаа юм.

“Өнөөдрийн хэлэлцүүлгээр ЖДҮХС-тай холбоотой хэрэг төвгийн талаар хэлэлцэхгүй. Харин эдгээр сангуудыг цаашид хэрхэн үр өгөөжтэй явуулах, үйл ажиллагааг зөв болгох, хууль тогтоомжинд ямар алдаа байна гэдгийг ярилцан шийдэх юм. Ер нь ЖДҮХС-гийн эрсдэл юу юм, яаж хамгаалах талаар хэлэлцэнэ хэмээн АТГ-ын Ажлын албаны дарга Д.Дуламсүрэн дурдлаа.

Жижиг, дунд үйлдвэрийг хөгжүүлэх сан: Асуудал ба шийдэл хэлэлцүүлгийн үеэр эдгээр асуудлыг хэлэлцэнэ.

Үүнд: “ЖДҮ-ийн хөгжил, санхүүжилтийн байдал” судалгааны тойм, ЖДҮХС-Жижиг, дунд үйлдвэр ба ЖДҮ эрхлэгч, Засаглал ба хүртээмж, ЖДҮ:Хууль тогтоомжийн шинэчлэлийн асуудал, ЖДҮ-ийг хөгжүүлсэн олон улсын туршлага, Авлигаас урьдчилан сэргийлэх, ЖДҮ-ийг хөгжүүлэх сангийн санхүүгийн тайланд төрийн аудитын байгууллагын хийсэн аудитын дүгнэлт зэрэг асуудлаар бүтэн өдрийн турш хэлэлцэх гэж байна.

Уг хэлэлцүүлгийг www.livetv.mn сайт шууд дамжуулан хүргэнэ.

 

---