Ховд аймгийн Дуут сумын Шивэр багийн "Хар сайр" гэдэг газар бага насны хүүхэд явганаар малаа хариулж яваад сураггүй болсон гэх дуудлага мэдээлэл онцгой байдлын газарт энэ сарын 7-ны өдөр бүртгэгджээ.

Дуудлага мэдээллийн дагуу тус аймгийн Онцгой байдлын газрын эрэн хайх, аврах ангийн алба хаагчид очиж эрэн хайх ажиллагааг зохион байгуулж 08:45 цагт тус багийн "Хар сайр" гэдэг газар /гэрээс нь зүүн зүгт 2 км/-аас цогцсыг олж, Буянт сумын Цагдаагийн хэсгийн төлөөлөгчид шилжүүлэн өгчээ.

---