УИХ-ын зарим гишүүдээс хамтарсан засгийн газар байгуулах асуудалд ямар байр суурьтай байгааг тодрууллаа. 

УИХ-ын гишүүн Э.Бат-Амгалан:

-Манай нам бүлэг дээрээ бүх асуудлаа шийдэж олонхоороо шийдэх ёстой. Хувь гишүүний хувьд дангаараа засгийн газраа байгуулаад МАН-ын гишүүддээ итгэл хүлээлгэж ажиллах нь зүйтэй гэж бодож байна. Хүчтэй сөрөг хүчин ажиллаа хийгээд явах хэрэгтэй байх гэв.

УИХ-ын гишүүн Н.Алтанхуяг:

-Сонгууль яах гэж хийдэг юм. Олонх болсон нь засгаа байгуулж, цөөнх нь хяналтаа тавиад явдаг. Миний хувьд тэр хамтрах бичгийг нь үзээгүй байна. Улс төрийн зөвлөл энэ асуудлыг өчигдөр ярьсан гэсэн. Бүлэг дээр энэ талаар ярих ёстой байх. Ардчилсан намын үндэсний бодлогын хороо зэрэг холбогдох байгууллагуудаараа ярих л ёстой. Эцсийн шийдвэр гараагүй гэж ойлгож байна гэв.

---