Хэнтий аймгийн Хэрлэн сумын Сариг 5 дугаар багийн Тариаланчдын 17Б гудамжинд өнгөрсөн шөнө гэр шатаж, нэг хүүхэд амиа алдаж, нэг хүн түлэгджээ. Энэ тухай дуудлагыг онцгой байдлын алба 7-р сарын 3-ны 00:09 цагт хүлээн авчээ. 

Тус аймгийн Онцгой байдлын газрын Гал түймэр унтраах, аврах 32 дугаар ангийн албан хаагчдыг 00:12 цагт очиход, иргэн Б-ын 4 ханатай гэр бүрэн шатсан байжээ.

Уг гал түймэрт хоёр настай охин өртөж, нас баржээ. Харин 31 настай эрэгтэй гуравдугаар зэргийн түлэгдэлтэй аймгийн нэгдсэн эмнэлэгт хүргэгдсэн байна. 

---