СПОРТ
ХӨГЖИМ
™ watch

Дэлхийн банкны төлөөлөгчдийг хүлээн авч уулзлаа

Нийтэлсэн
1 долоо хоногийн өмнө


Сурталчилгаа
Нийтэлсэн:   Э.Цэлмэг
1 долоо хоногийн өмнө

Нийслэлийн Засаг дарга бөгөөд Улаанбаатар хотын захирагч Х.Нямбаатар Дэлхийн банкны Зүүн Ази номхон далай, Монгол, БНХАУ, БНСУ-ыг хариуцсан бүсийн захирал Мара Уорвик тэргүүтэй төлөөлөгчдийг хүлээн авч уулзан, хоёр талын хамтын ажиллагааны талаар харилцан санал солилцов.

Уулзалтын эхэнд хотын дарга Х.Нямбаатар уулзалтад ирсэн төлөөлөгчдөд талархал илэрхийлэн “Бидний хамтран хэрэгжүүлэхээр зорьж буй “Улаанбаатар хотын өрсөлдөх чадвар, нөхөн сэргээлтийг дэмжих төсөл” нь нийт дөрвөн бүрэлдэхүүн хэсэгтэй бөгөөд бүрэлдэхүүн хэсгүүд бүгд цогцоороо хэрэгжиж байж Улаанбаатар хотод тулгамдаж буй зарим асуудлуудыг шийдвэрлэхэд томоохон хувь нэмэр оруулах юм. Үүний нэг бүрэлдэхүүн хэсэг болох Эмээлт эко аж үйлдвэрийн паркийг хөгжүүлэх төслийг эрчимжүүлэх шаардлага тулгараад буй. Энэ хүрээнд олон улсад хэрэгжиж буй аж үйлдвэрийн паркийн сайн туршлагуудыг судлах, туршлага солилцох нь төслийг үр дүнтэй хэрэгжүүлэхэд чухал түлхэц болно гэж үзэж байна” хэмээв.

Харин Дэлхийн банкны төлөөлөгчдийн зүгээс талуудын хооронд хэрэгжиж буй болон цаашид хамтран хэрэгжүүлэхээр төлөвлөж буй хоёр талын хамтын ажиллагааг өргөжүүлэн хөгжүүлэхэд бэлэн гэдгээ илэрхийллээ.

Уулзалтын төгсгөлд нийслэлийн зүгээс цаашид Дэлхийн Банк болон нийслэл Улаанбаатар хотын хооронд эдийн засаг, нийгмийн үр өгөөж ихтэй олон шинэ төсөл, хөтөлбөрүүдийг хамтран хэрэгжүүлэх хүсэлтэй байгаа бөгөөд одоогоор хэрэгжихээр төлөвлөж буй төслүүдийг амжилттай болгох үүднээс бүхий л талаар дэмжлэг үзүүлэн, хамтран ажиллахдаа таатай байх болно гэдгээ уламжилсан юм.

Сурталчилгаа


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.