Английн алдарт "Фүлхэм" клубийн хаалгач Марк Шварцерыг үндэсний хөлбөмбөгийн талбайд хүлээн авах уулзалт өнөөдөр боллоо.

Соёлын сайд Ч.Номин:

-Английн алдарт “Фүлхэм” клубийн хаалгач Марк Шварцтай ийнхүү хамтран ажилласны үр дүнд манай улсын хүүхэд залуучууд “Премьер лиг”-ийн тоглолтод оролцох, тэднээс суралцахаас гадна “Фүлхэм” багийн академийг Монгол Улсад байгуулахаар болжээ.

Тэрбээр Лондон хотод байрладаг 24 мянган хүний суудалтай хөлбөмбөгийн стадионд “Go Mongolia” брэндийг таниулах, “Фүлхэм” багийн сошиал хаягаар дамжуулан Монгол Улсаа сурталчлан таниулах, Марк шиг чансаа өндөртэй олон том тоглогчид Монгол ирэх боломжийг бий болж байгаа гэдгийг дуулгахад таатай байна.

Монголын хөлбөмбөгийн холбооны ерөнхийлөгч М.Болд:

-Монголын хөлбөмбөгийн холбоо энэхүү спортыг эх орондоо сурталчлан таниулж хөлбөмбөг сонирхсон хүүхдүүдийг хичээллэх боломжоор хангах бүхий л ажлыг олон зорилт тавин ажиллаж байгаа.

Энэ зорилттой уялдан Монгол эх орноо дэлхий дахинд таниулсан хөлбөмбөгийн спортыг эх орондоо сурталчилсан сайхан арга хэмжээ болж байна. 

Монголын хөлбөмбөгийн холбооны удирдлага болон нийт хөлбөмбөгчид маань оролцож байна. Уг арга хэмжээг зохион байгуулж байгаа Монгол Улсын Соёлын сайд Ч.Номин мөн Английн Примьер лигийн түүхэн багийн алдарт хаалгагч Марк Шварцерт болон бусад төлөөлөгч нартаа Монголын хөлбөмбөгийн холбооны удирдлагын зүгээс нийт төлөөлөгчдийнхөө өмнөөс талархал илэрхийлье.

Английн алдарт "Фүлхэм" клубын хаалгач асан Марк Шварцер:

-Өнөөдрийн үйл ажиллгаанд 100 мянган логотой хамтран ажиллаж байгаадаа баяртай байна. Цаашдаа бид бүхэн монголын хүүхдүүдийг Английн Примьерт дэлхийн өнцөгт гаргахад нь тусалж дэмжих, хамтран ажиллах, дасгалжуулах мэргэжлийн талаас нь хамтарч ажиллана гэж үзэж байна. 

Энэ арга хэмжээний хүрээнд Фүлхэмийн фэйн клуб үүсгэн байгуулагдсаныг хэлэхэд таатай байна гэв.

---