Дугуйгаар Англи улсад очсон Б.Очирваань ирэх даваа гарагт эх орондоо ирнэ.

Б.Очирваань 2023 оны тавдугаар сард Улаанбаатараас Англи улс руу унадаг дугуйтай аялал эхлүүлж, 11 сарын хугацаанд дэлхийн 20 орон, 14 мянган км замыг туулж зорьсон газраа хүрсэн.

Ингээд Английн Premier league - Manchester United багийн тамирчидтай уулзаж мөрөөдлөө биелүүлээд зогсохгүй дэлхийн алдартай цэнгэлдэх хүрээлэнд хөл бөмбөг тоглохоор уригдсан нэгэн юм.

Б.Очирваань маргааш буюу зургаадугаар сарын 9-ний өдөр эх орондоо ирнэ гэж мэдэгдлээ. Тодруулбал, зургаадугаар сарын 9-ний 17:00 цагт Манчестераас хөдөлж, Истанбулаар дамжин 11-ний өглөө 07:00 цагт Монголдоо бууна. Нисэхийн хурдны зам дуустал машинаар явж, 10:00 цагаас Нисэхийн тойргоос талбай хүртэл дугуйтайгаа явах юм байна.

Түүний зорилго нь дугуйтай парад үүсгэх бөгөөд хотын удирдлагуудад дугуйчдынхаа аюулгүй байдлын төлөө анхаарал хандуулах, хөдөлгөөний зөв зохицуулалт хийх цаг болсныг ойлгуулах сэдэл өгөх зорилго агуулсан гэдгээ өөрийн цахим хуудсаараа дамжуулан илэрхийлжээ.

---