Дорноговь аймаг, Мандах суманд гурван настай хүүхэд гэрийнхээ гадаа тоглож байгаад сураггүй алга болсон гэх дуудлага мэдээлэл Онцгой байдлын газарт зургаадугаар сарын 4-ний 22:08 цагт бүртгэгджээ.

Тухайн хүүхэд нь эмээгийндээ байж байгаад алга болсон байжээ. Улмаар аймгийн Онцгой байдлын газрын Гал түймэр унтраах, аврах 33 дугаар ангийн алба хаагчид Мандах сумын Засаг даргын Тамгын газрын ажилтнуудтай хамтран 3 настай хүүхдийг өнөөдөр /2024.06.05/ 04:20 цагт тус багийн "Бударын хад" гэдэг газар буюу гэрээс нь хойд зүгт 3 км газраас эсэн мэнд олжээ.

---