Ардчилсан намын Улс төрийн зөвлөл хуралдаж, УИХ-ын сонгуульд сойх нэр дэвшигчдээ тодруулж байна. Улс төрийн зөвлөлийн дараа Үндэсний бодлогын хороо хуралдаж, нэрсийг эцэслэх юм.

Ардчилсан намын гишүүн Д.Мөнх-Эрдэнэ:

-Ардчилсан намын улс төрийн зөвлөл 45 хүний бүрэлдэхүүнтэй. 2024 оны УИХ-д сонгох гишүүдийг сонгон шалгаруулах хороо байгуулсан. Миний бие эдгээр долоон хүний нэг нь.

Одоо нэрсээ жагсаагаад улс төрийн зөвлөлөөр хэлэлцүүлэх гэж байна. Улс төрийн зөвлөлөөр хэлэлцүүлж батлуулаад дараа нь Үндэсний бодлогын хороогоор шийднэ. АН олонхоороо асуудалд ханддаг. Чадлаараа боломжийн хүмүүс нэр дэвшүүлэхээр 2-3 хоног суулаа. Нийгмийн тод өнгө төлөөлөл болсон үе үеийн төлөөллийг сонгосон. 

Тухайлбал, 

• Сонгинохайрханы тойргийг Монгол Улсын Ерөнхий сайд асан Н.Алтанхуягаар ахлуулж байна.
• Нэгдүгээр тойрог буюу Баянхонгор, Архангай, Өвөрхангайд УИХ-ын гишүүн Д.Ганбат, С.Ганбаатар болон эмэгтэйчүүдийн төлөөллийг дэвшүүллээ.
• Гуравдугаар тойрог буюу баруун аймгийг О.Цогтгэрэл, Б.Пүрэвдорж, Ш.Адьшаа нар ахална.
• Дөрөвдүгээр тойрог Хөвсгөл, Орхон, Эрдэнэтэд УИХ-ын гишүүн асан Ж.Батзанданг урьж дэвшүүллээ.
• Тавдугаар тойрог буюу Дархан, Сэлэнгэ, Төв аймагт УИХ-ын гишүүн Ц.Туваанаар ахлуулсан хүмүүс нэр дэвшинэ.
• Зүүн аймагт УИХ-ын гишүүн Н.Ганибалаар ахлуулсан хүчтэй баг өрсөлдөнө.
• Говийн тойрогт Өмнөговийн Засаг дарга Р.Сэддорж, Дундговийн Засаг дарга Ц.Мөнхбат нараар ахлуулсан баг явуулж байна.

Х.Баттулга гишүүн хүсэлтээ өгсөн ч дэвшүүлэхгүй хассан. Чадлаараа болио гэж хэллээ. С.Баярцогт гишүүн хүсэлтээ өгсөн одоо хороогоор хэлэлцэнэ. Миний хувьд аль болох жагсаалт, тойрог руу нь явуулах гэж хичээсэн боловч үр дүн яахыг мэдэхгүй байна. Баянгол дүүрэг дээр С.Эрдэнийг зодог тайл гэж хэлээд барсангүй. Тэгээд С.Эрдэнэ дэвшихээр боллоо. Гэхдээ Ардчилсан залуучуудын холбооны тэргүүн Б.Ган-Очир Баянгол дүүргийг ахалж орно.

Жагсаалтын тухайд намын дарга Л.Гантөмөр ахална. Өөрөө хариуцлагаа хүлээнэ. Хоёрдугаарт, УИХ-ын дэд дарга С.Одонтуяа, гуравдугаарт нийгмийн зорилтот бүлгийн төлөөлөл Ж.Баясгалан, дөрөвдүгээрт С.Цэнгүүнийг дэвшүүлсэн. 

---