УИХ-ын дарга Г.Занданшатараар ахлуулсан ажлын хэсэг Баянхонгор аймгийн Өлзийт, Баацагаан сумдын иргэдтэй парламентын бодлого, үйл ажиллагааны талаар нээлттэй санал солилцлоо.

Ажлын хэсэгт УИХ-ын гишүүн Г.Ганболд, Д.Тогтохсүрэн, Гадаад харилцааны сайд Б.Батцэцэг болон албаны хүмүүс оролцсон байна. Төрийн албан хаагчдын цалинг үе шаттай нэмэгдүүлсэн нь залуучууд сумандаа тогтвортой ажиллах чухал хөшүүрэг болж буйг иргэд онцолсон юм.

Иргэд сумандаа тав тухтай амьдрах боломж бүрдэж, цалин, тэтгэвэр нэмэгдэж, хаалттай байсан асуудлууд нийгэмд ил тод болсон хэмээн сайшаасан байна. Цаашид хөдөөгийн хөгжлийг дэмжих бодлогыг тасралтгүй хэрэгжүүлэх нь чухал гэв. 

 

---