Дорноговь аймгийн Сайншанд сумын ...сургуулийн сурагч Д 2023 оны аравдугаар сарын 3-ны өдөр сураггүй алга болсон. Түүнийг Г гэгч автомашиндаа суулган авч явж, эзгүй газарт хөнөөсөн хэрэг гарсан. Тус хэргийг шүүх хурал өнөөдөр болж байна. 

Тус хэргийн шүүх хурлыг энэ оны гуравдугаар сарын 29-ний өдөр анхлан товлогдсон. Гэсэн ч хохирогч тал өмгөөлөгч авах хүсэлт тавьсан тул шүүх хуралдааныг хойшлуулаад байсан юм. Шүүх хурлыг дахин товлосон бөгөөд Дорноговь аймаг дахь сум дундын эрүүгийн хэргийн анхан шатны шүүхэд 09:00 цагт өнөөдөр эхэллээ.

Улсын яллагч яллах дүгнэлтээ уншиж, танилцуулсан бөгөөд одоо эд мөрийн баримт, бичмэл нотлох баримтыг шинжлэн судлах ажиллагаагаар шүүх хурал үргэлжилж байна.

---