"Mongol Made" нэгдлийн шинэ охин компани болох "MONGOL WOOL" удахгүй нээгдэх гэж байна. Монгол ноосны үнэ цэнийг өсгөж, олон улсад өрсөлдөх ноосон бүтээгдэхүүнүүдийг үйлдвэрлэхээр тэд гараанаас гарлаа.

Ноосон бүтээгдэхүүнүүдийн дизайныг Францын MESSIEURS агентлаг гүйцэтгэнэ. Эхний ээлжинд хөнжил, бүтээлэг зэрэг гэр ахуйн 10 орчим гарааны бүтээгдэхүүнүүдийг дотоодын болон олон улсын зах зээлд нийлүүлэх юм байна.

"MONGOL WOOL" брэндийн бүтээгдэхүүнүүд 2024 оны 6 дугаар сард худалдаанд гарна. Ариутгал, арьс арчилгаа, ахуйн хэрэглээ, хүнс, ноосон бүтээгдэхүүнүүдээ нэгтгэн борлуулах органик шопынх нь интерьер дизайныг мөн MESSIEURS агентлаг 2024 оны зун гүйцэтгэх тул дэлгүүрийн талбайн саналыг 2024 оны 6 дугаар сарын 1-ний өдөр хүртэл solongo_ch@mongolmade.mn хаягаар хүлээн авч байна.

Мөн "MONGOL WOOL" брэндийн нээлтийн ёслол ирэх сард болох аж.

---