СПОРТ
ХӨГЖИМ
™ watch
Нийгэм | 2024-04-12

Ахлагч нарын тэмцээн ширээний теннисний төрлөөр үргэлжилж байна

Нийтэлсэн
1 сарын өмнө


Сурталчилгаа
Нийтэлсэн:   Э.Цэлмэг
1 сарын өмнө

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулагдах “Төрийн цэргийн болон хууль сахиулах байгууллагуудын Ахлагч нарын чуулга уулзалт”-ыг угтан хэрэгжүүлэх арга хэмжээний хүрээнд ахлагч нарын бие бялдар, сэтгэл зүйн бэлтгэлийг сорих, багаар ажиллах чадварыг нэмэгдүүлэх, чөлөөт цагийг зөв боловсон өнгөрүүлэх, хөдөлгөөний дутагдлаас сэргийлэх зорилгоор спортын дөрвөн төрлийн тэмцээн явагдаж байгаа юм.

Төрийн цэргийн болон хууль сахиулах байгууллагуудын ахлагч нарын дунд энэ сарын 4, 5-ны өдөр Сагсан бөмбөгийн, 10-ны өдөр Дартсын аварга шалгаруулах тэмцээнийг амжилттай зохион байгуулсан бол өнөөдөр (2024.04.12) ширээний теннисний аварга шалгаруулах тэмцээнийг ийнхүү зохион байгуулж байна.

Энэ удаагийн ширээний теннисний тэмцээнийг Дотоодын цэргийн штабаас хариуцан зохион байгуулж байгаа бөгөөд тэмцээн ЦЕГ-ын "Хүч" спорт хорооны зааланд амжилттай үргэлжилж буй.

Тэмцээний нээлтийн ёслолын ажиллагаанд Зэвсэгт хүчний удирдлагыг төлөөлж, ЗХЖШ-ын ахлагч тэргүүн ахлагч Н.Баасан, Сургалт бэлтгэлийн газрын дарга бригадын генерал Г.Болор, төрлийн цэргийн командлагч хурандаа Ж.Молорболд нар оролцов.

Уг тэмцээнд Зэвсэгт хүчний ахлагч нарыг төлөөлөн оролцож буй сургагч ахлагч Х.Гантөмөр ахлагчтай баг, тамирчдад спортын өндөр амжилтыг бэлгэдэн ерөөе.

Хурандаа Б.ОТГОНБАЯР

Сурталчилгаа


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.