Архангай аймгийн Тариат сум, Мөрөн багийн "Хүрмийн-Ам" гэдэг газар хоёр хүн мотоцикльтойгоор “Чулуут” голоор гарч байгаад нэг хүн нь голын усанд осолдсон тухай дуудлагыг энэ сарын 6-ны өдрийн 21:40 цагт онцгой байдлын байгууллагад ирүүлжээ. 

Тус аймгийн Онцгой байдлын газрын Тариат сум дахь Эрэн хайх, аврах бүлгийн алба хаагчид 47 км замыг туулан 04.07-ны өдрийн 00:40 цагт очиход  52 настай, эрэгтэй Э голын усаар мотоциклио түрж гарч байгаад осолдсон байсан бөгөөд үзэгдэх орчин хязгаарлагдмал тул тандалт хийж 01:30 цагт эрэлийг түр зогсоосон байна. Харин энэ сарын 7-ны өдрийн 07:00 цагаас эхлэн эрэн хайх ажиллагааг зохион байгуулж 09:10 цагт тус багийн "Хавчигийн-Ам" гэдэг газраас цогцсыг олж уснаас гарган Цагдаагийн байгууллагад шилжүүлэн өгсөн байна. 

---