Өнөөдөр ЭМДEГ-ын ОНХХ-ээс АШУҮИС-ийн оюутан залууст Эрүүл мэндийн даатгалын тухай хууль, эрүүл мэндийн даатгалын шимтгэлийн хувь хэмжээ, шимтгэлийн мэдээлэл, ач холбогдлын талаар танилцуулга мэдээлэл хийлээ.

Урьдчилан сэргийлэх, эрт илрүүлэг шинжилгээнд 18-30 насныхан тэр дундаа оюутан залуусын хамрагдалт хамгийн бага үзүүлэлттэй байна. Энэ насныхны хамрагдах насны хүмүүсээс урьдчилан сэргийлэх эрт илрүүлэг шинжилгээнд 30 гаруй хувь нь л хамрагджээ.

Танилцуулах өдөрлөгийн үеэр оюутан залуусыг эрүүл мэндийн даатгалаа хэрхэн төлөх талаар заавар мэдээлэл өгч, эрүүл мэндийн даатгалд хамрууллаа.

Эрүүл мэндийн даатгалын тухай хуулийн 4.2-т заасны дагуу Монгол улсын иргэн эрүүл мэндийн улмаас учирч болзошгүй санхүүгийн эрсдэлээ хуваалцах зорилгоор эрүүл мэндийн албан журмын даатгалд заавал даатгуулах үүрэгтэй бөгөөд энэ онд сарын 6600, жилийн 79200 төгрөг төлөх юм.

Энэхүү арга хэмжээнд АШУҮИС-ийн 200 гаруй оюутнууд хамрагдаж, эрүүл мэндийн даатгалын ач холбогдлын талаар мэдлэгтэй болж, үе тэнгийн оюутан залуусдаа эрүүл мэндийн даатгалын шимтгэлээ төлж, эрүүл мэнддээ анхаарч байхыг уриаллаа.

Эрүүл мэндийн даатгалын шимтгэлээ тогтмол төлж өөрийнхөө болон өвдсөн нэгний эрүүл мэнд, амь насыг хамгаалж байдаг оюутан, залуусдаа баярлалаа!

---