“Эрдэнэс Тавантолгой” ХК 2023 оны урьдчилсан гүйцэтгэлээр 3,2 их наяд төгрөгийн ашигтай ажиллаж, 1072 хувьцаатай иргэнд татварын дараах дүнгээр 256 000 төгрөг олгохоор шийдэж, өнөөдрөөс иргэдийн дансанд шилжүүлж эхэллээ. 

Иргэн та:

• 1072ш хувьцаатай бол 256,656 төгрөг
• 1063ш хувьцаатай бол 254,482 төгрөг
• 772ш хувьцаатай бол 184,816 төгрөг
• 750ш хувьцаатай бол 179,550 төгрөг
• 536ш хувьцаатай бол 128,318 төгрөг таны дансанд орно.

Энэ жил төрд байгаа иргэдийн мэдээллийг ашиглаж, хүүхдийн мөнгөний данс, иргэний хувийн дансаар олгоод дуусна. Харин 2025 оноос хувьцааны дансаар олгоно. Тэгэхээр энэ жилдээ багтаж, Үнэт цаасны компанид хандаж, хувьцааны данс нээлгэх шаардлагатай юм.

“Эрдэнэс Тавантолгой” ХК 2022 онд 1,3 их наяд төгрөгийн ашигтай ажиллаж, 1072 хувьцаатай иргэнд татварын дараах дүнгээр 104 000 төгрөг өнгөрөгч нэгдүгээр сард олгосон.

---