Цагдаагийн дөрвөн алба хаагч 13 настай охиныг хүчирхийлсэн хэргийн талаар ЦЕГ-аас мэдээлэл хийлээ.

ЦЕГ-ын Дотоод хяналт, аюулгүй байдлын газрын дарга, цагдаагийн хурандаа Н.Мишигдорж:

-Цагдаагийн байгууллагын дотоод хяналт аюулгүй байдлын нэгжээс цагдаагийн нэр бүхий алба хаагчид насанд хүрээгүй хүнтэй бэлгийн харьцаанд орсон байж болзошгүй гэх мэдээллийг өөрсдийн хяналт шалгалтаараа илрүүлж, гэмт хэргийн шинжтэй байж болзошгүй гэж тогтоосон. Улмаар ЦЕГ-ын мөрдөн байцаах албаны тусгай мөрдөн шалгах хэлтэст харьяаллын дагуу шилжүүлэн шалгаж байна.

Дээрх нэр бүхий дөрвөн албан хаагчийг одоогоор албан үүргээс нь чөлөөлж, түр түдгэлзүүлсэн байгаа. Цагдаагийн байгууллага алба хаагчдаа үнэн шударгаар шалгаж чадах уу гэсэн байна. Гэм буруутай этгээдэд ялыг шударгаар оногдуулж, гэм буруугүй хэнийг ч гэм буруутайд тооцохгүй байх гэсэн зарчим бий. Цагдаагийн байгууллагаас энэ зарчмаа баримталж ажиллана. Хэрвээ алба хаагчид гэм буруутайн тогтоогдвол алба хаагчдыг өмгөөлж хамгаалах ёс зүй цагдаагийн байгууллагад байхгүй. 

Хувь хүний мэдээллийн нууцын тухай хуульд зааснаар орон нутгийн нэр, холбогдсон алба хаагчдын нэр, хохирогчийн нэрийг хэлэх боломжгүй. Прокурорын зөвшөөрсөн хэмжээнд дээрх мэдээллийг хүргэж байна.

Мөрдөн шалгах ажиллагаа зөвхөн өргөдөл гомдлынхоо шатанд явагдаж байна гэлээ. 

---