УИХ дахь Ардчилсан намын бүлэг төрийн ордонд мэдээлэл хийлээ. 

АН-ын бүлгийн дарга О.Цогтгэрэл:

-Манай улсаас яагаад залуучууд гадагшаа дайжаад байна гэдгийг олон улсын индексийн үзүүлэлтээр тодорхой харуулж байна. Олон улсын индекс 2016 оны үзүүлэлтээр 3.00 байсан бол өнөөдөр 4.2 болж өссөн. Авлигатай тэмцэж байна гээд байдаг гэтэл авлигал нь улам ихсээд байдаг. Уг нь тэмцэх тусмаа авлига буурах ёстой байтал эсрэгээрээ авлигын индексээр ухраад байдаг. Эрх баригчид сүүлийн найман жил авлигатай тэмцсэн. Гэвч буурсангүй. 

Өмнө нь түр зуур гадагшаа явах хүсэлтэй байсан бол одоо эргэж ирэхгүйгээр гарах хүсэлтэй болсон. Авлига ихсэх тусам Монголоос дайжих залуучууд нэмэгдэж байгааг Олон улсын судалгааны байгууллага баталж байгаа юм. Залуучууд ажиллах тусам ядуурдаг эдийн засгийн тогтолцоо бий болчихлоо. 

Залуучууд ажил хийгээд байгаа мөртлөө ядуу байна. Уг ядуурал гэдэг нь ажлын байр олдохгүй байгаа тохиолдол их байна. Гэтэл манай улсад эсрэгээрээ ажилтай байх тусмаа ядуураад байгаа тул залуучууд гадагшаа явах хүсэлтэй байна гэв. 

---