Сагсан бөмбөгийн 3х3 төрлийн насанд хүрэгчдийн долоо дахь удаагийн Азийн аварга шалгаруулах тэмцээн  Сингапур улсад болж байна.

Монгол улсын эмэгтэй шигшээ баг "FIBA 3x3 Asian Cup 2024" тэмцээний хасагдах шатанд Хятадын шигшээ багийг хожиж, шилдэг дөрөвт шалгарчээ. Монгол улсын эмэгтэй шигшээ баг 20 оноо авсан бол Хятадын баг 7 оноо авчээ.

Тэгвэл Монгол улсын эрэгтэй шигшээ баг "FIBA 3x3 Asian Cup 2024" тэмцээний хасагдах шатанд Катарын шигшээ багийг хожиж, шилдэг дөрөвт шалгарсан байна.

Монгол улсын эрэгтэй шигшээ баг 19 оноо авсан бол Катарын шигшээ баг 11 оноо авчээ.

---