Нийслэл, орон нутгийн эрүүл мэндийн байгууллагуудын төлөөлөл 2500 удирдлага, эмч мэргэжилтэн нэг өдөр чуулсан арга хэмжээ амжилттай зохион байгуулагдав.

"Эмч танаараа бахархъя-2024" арга хэмжээг нээж Эрүүл мэндийн сайд С.Чинзориг, Монгол Улсын шадар сайд С.Амарсайхан, УИХ-ын дэд дарга Л.Мөнхбаатар, ДЭМБ-ын Монгол улс дахь суурин төлөөлөгч Сокорро Эскалантэ нар үг хэлэв.

Энэ үeэр Амжилт бүтээлээрээ салбараа манлайлан ажилласан эмч мэргэжилтнүүд шагнагджээ.
Мөн Салбар хуралдаан болж Модeратороор ЭМДЕГ-ын дарга Л.Бямбасүрэн, Панeлиcтаар Дархан-Уул аймгийн нэгдсэн эмнэлгийн дарга Б.Мөнхбат, ХСҮТ-ийн Ерөнхий захирал Н.Эрдэнэхүү, Хан-Уул дүүргийн нэгдсэн эмнэлгийн захирал Т.Энхзаяа, АХБ-ны 3843/3844 төслийн Эрүүл мэндийн тогтолцоо, санхүүжилт хариуцсан зөвлөх А.Батбаяр, МУ-ын Зөвлөх эмч, ЭМЖЖ эмнэлгийн Зөвлөх эмч Э.Жаргалхүү нар оролцжээ.

ЭМДЕГ-ын дарга Л.Бямбасүрэн "Эрүүл мэндийн даатгалын шинэтгэлийн бодлого" сэдвээр илтгэл тавьж, оролцогчдын сонирхсон асуултад хариулт өглөө.

---