Москвагийн ойролцоох Крокус Сити Холл концертын газар, худалдааны цогцолборт болсон аймшигт халдлагын улмаас олон зуун гэм зэмгүй хүмүүс амь үрэгдэж, шархаджээ. Одоогийн байдлаар 137 хүн нас барж, 115 хүн бэртэж гэмтээд байна. 

ОХУ-ын концертын үеэр халдлага үйлдсэн дөрвөн сэжигтнийг цагдан хориод байна. Оросын Холбооны Аюулаас Хамгаалах Алба (ФСБ) өмнө нь халдлагатай холбогдуулан 11 хүнийг баривчилсны дөрөв нь халдлагыг гүйцэтгэсэн хүмүүс байсныг мэдээлсэн.

Тэрээр өөрийгөө 1998 оны есдүгээр сарын 17-нд төрсөн Шамсутдин Фариддун гэж танилцуулжээ. Фариддунаас Крокус [Сити Холл]-д юу хийсэн бэ?" гэж асуухад "Бид хүмүүсийг мөнгөний төлөө буудсан" гэж хариулжээ.

Дараа нь халдлага үйлдэхээр нэг сая рубль буюу 10,800 ам.доллар амласан бөгөөд үүний тал хувийг картаар шилжүүлж авсан. Нүүр, цамц нь цусанд будагдсан, толгойгоо боосон тэрбээр "Замын хаа нэгтээ ашигласан зэвсгээ зугтах замдаа хаясан. Гэхдээ хаана хаяснаа сайн санахгүй байна" гэв.

Фариддун илт чичирч, халдлага үйлдэхийн тулд өөрт нь мөнгө өгсөн хүмүүсийн хэн болохыг мэдэхгүй, гэхдээ түүнтэй телеграм сүлжээгээр холбогдсон гэж хэлэв. Түүний хэлснээр тэрээр баасан гарагт болсон халдлагын ард бусад сэжигтнүүдийн хамт буудалд амьдарч байжээ.

АНУ болон барууны бусад засгийн газрууд гуравдугаар сарын эхээр ийм халдлага үйлдэхийг санал болгож буй туха тагнуулын мэдээллээс сэрэмжлүүлсэн.

ОХУ-ын Ерөнхийлөгч Владимир Путин 3-р сарын 23-нд хэлсэн үгэндээ хүчирхийллийг "цуст, зэрлэг террорист халдлага" гэж буруушаасан ч IS бүлэглэл хариуцлагыг хүлээсэн тухай дурдаагүй байна. Үүний оронд тэрээр Украины оролцоотой гэж мэдэгдсэн бөгөөд Украины Ерөнхийлөгч Владимир Зеленский болон бусад албаны хүмүүс эрс няцаасан.

Энэ халдлагын хариуцлагыг Исламын улс дангаараа үүрнэ. Үүнд Украин ямар ч оролцоогүй" гэж Цагаан ордны Үндэсний аюулгүй байдлын зөвлөлийн хэвлэлийн төлөөлөгч Адриен Ватсон мэдэгдэв.

Эх сурвалж: CNN 

---