МАН-ын Удирдах зөвлөл өчигдөр /2024.03.19/ хуралдаж, 2024 оны УИХ-ын сонгуультай холбоотой ээлжит Бага хурлын товоо тогтож, хэлэлцэх асуудлаа баталжээ.

МАН-ын Бага хурлыг гуравдугаар сарын 23-ны өдөр буюу энэ бямба гарагт хийнэ. Энэ удаагийн хуралдаанаар ирэх сонгуульд тойрогт болон жагсаалтад ямар хүмүүсийг багтаах шалгуур буюу журмыг батална. 

Мөн МАН-аас дэвшүүлэх мөрийн хөтөлбөр,  санал хураах, дүн гаргах журам батлах болон бусад асуудлыг хэлэлцэхээр товложээ.

Тодруулбал, УИХ-ын ээлжит сонгуульд оролцох намууд 2024 оны гуравдугаар сарын 25-аас өмнө Үндэсний аудитын газар мөрийн хөтөлбөрөө хүргүүлсэн байх хуулийн зохицуулалттай.

---