Марш тусгай бэлтгэлийн аварга шалгаруулах тэмцээнийг 2004 оноос хойш уламжлал болгон зохион байгуулж байхаар болжээ.

Онцгой байдлын байгууллагын 20 жилийн ой, “Монгол Цэргийн өдөр”-ийг тохиолдуулан алба хаагчдын бие бялдарын тэвчээр хатуужил, сэтгэлзүйн чадавх, багаар ажиллах чадварыг дээшлүүлэх, цэрэгжлийн спортыг хөгжүүлэх зорилгоор нийслэлийн Онцгой байдлын газрын “Марш тактик, тусгай бэлтгэл-2024” тэмцээнийг Сонгинохайрхан дүүргийн 21 дүгээр хороо ОБЕГ-ын харьяа 185 дугаар ангийн "Дүүрэн булаг" дахь сургалтын талбайд зохион байгууллаа.

“Марш тактик, тусгай бэлтгэл-2024” тэмцээнийг нээж ОБЕГ-ын Тэргүүн дэд дарга, бригадын генерал Ж.Чүлтэмсүрэн, НОБГ-ын дарга, хурандаа А.Дашням нар баг тамирчдад амжилт хүслээ.

Энэ жилийн марш тактик, тусгай бэлтгэлийн тэмцээнд бүтцийн нэгжийн эрэгтэй 16, эмэгтэй 4 багийн нийт 200 гаруй тамирчид тогтоосон зайн цэгүүдэд нормативыг эр зориг, хурд хүч, авхаалж самбаа, тэсвэр хатуужлаа сорин гүйцэтгэтгэсэн юм.

 

---