Иргэн Г.Ган-Очир Монгол Улсын ерөнхийлөгч У.Хүрэлсүх, ерөнхий сайд Л.Оюун-Эрдэнэ, ЗГХЭГ-ын дарга Д.Амарбаясгалан, ХЗДХ-ийн сайд Х.Нямбаатар, Хотын дарга асан Д.Сумъяабазар нарыг олон улсын эрүүгийн хэргийн шүүхэд өгсөн талаараа мэдээлэл хийв.

Түүний хувьд Францын шоронд хоригдоод жил гаруйн хугацаа өнгөрсөн. Тэрээр тус хэвлэлийн хуралд утсаар холбогдон мэдээлэл өгөв. 

Иргэн Г.Ган-Очир:

-Нидерланд улсад төвтэй олон улсын эрүүгийн хэргийн шүүхэд Монгол Улсын ерөнхийлөгч У.Хүрэлсүх, Ерөнхий сайд Л.Оюун-Эрдэнэ, ЗГХЭГ-ын дарга Д.Амарбаясгалан, ХЗДХ-ийн сайд Х.Нямбаатар, Хотын дарга Д.Сумъяабазар нарын талаар гомдол гаргасан. Ингээд тус хэрэгт хоёрдугаар сарын 20-нд хэрэг маргаан үүсгэхээр болсон гэдгээ мэдэгдсэн. Төрийн эрхийг хууль бус аргаар авсан. Монгол Улсын дампуурлын ирмэгт хүргэсэн гэх мэт олон асуудлыг хөндөж тавьсан. Арав гаруй хуудас гомдол гаргасан байгаа. 

Монгол Улсын Засгийн газрын захиалгаар намайг Франц улсад хорьж байна. Монгол Улсад хүлээлгэж өгтөлөө хорино гэдгээ хэлсэн. Түүнээс миний хорих хугацаа дууссан гэсэн юм. 

---