Цаг агаарын аюулт үзэгдэлтэй холбоотойгоор Сүхбаатар аймгийн төвөөс гарах тээврийн хэрэгслийн хөдөлгөөнийг тодорхойгүй хугацаагаар хаажээ.

Цагдаагийн байгууллагаас авто замын хяналтын постуудыг гарган ажиллаж байна. Тус аймгийн баруун болон баруун хойд сумдын нутгаар цас орж, цасан шуурга шуурч байна. Өдрийн 12 цагийн орчимд цас орж, салхины хүч нэмэгджээ. Дээд тал нь 14-16 м/с хүрсэн, одоогоор агаарын температур 12 градус байна. Маргааш, нөгөөдөр үргэлжлэн хүйтний эрч чангарах төлөвтэй байгаа аж.

Тиймээс ард иргэдийг анхаарал болгоомжтой байж, холын замд гарахгүй байхыг ОБГ болон цагдаагийн байгууллагаас анхаарууллаа. 

---