Нийслэлийн хэмжээнд цасанд суусан 1, гал түймрийн 5 дуудлага өнгөрсөн шөнө бүртгэгджээ. 

Тодруулбал, Баянзүрх дүүргийн 11 дүгээр хороо, Хонхорын төмөр замын гармын урд талд автомашинтай цасанд суусан бага насны хүүхэдтэй байгаа гэсэн дуудлагыг 03:02 цагт ирүүлсэн байна. Дуудлагын дагуу Аврах ангийн алба хаагчдыг очиход 10-38 насны найман иргэн Toyota Harrier, Subaru forester маркийн автомашинтай цасанд суусан байсныг машиныг гаргах боломжгүй тул үлдээж, иргэдийг аюулгүй газарт хүргэсэн байна.

ЦУОШГ-аас өнөөдөр цасан шуурга шуурахыг анхааруулж байна. Иймд цасанд сууж, төөрч осгохоос сэргийлэн хол, ойрын замд гарахгүй байхыг анхааруулж мэргэжлийн байгууллагаас анхааруулж байна.

---