Улаанбаатар хот, Сонгинохайрхан дүүрэг 6 дугаар хорооны “Тоосго”-ны 13 дугаар гудамжинд байшин шатсаны улмаас нэг иргэн нас барсан хэрэг гарчээ.

Тодруулбал, "Байшин шатаж байна" гэх дуудлагыг хоёрдугаар сарын 07-ны өдрийн 17:05 цагт ОБЕГ-т ирүүлжээ. Дуудлага мэдээллийн дагуу тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид очсон байна. Ингэхэд, иргэн Г-ын 5х6 метрийн хэмжээтэй байшин шатаж байсныг ажиллаж унтраасан байна. Уг гал түймэрт иргэн Г /62 настай, эрэгтэй/ өртөж нас барсан тул цогцсыг Цагдаагийн байгууллагад шилжүүлэн өгчээ.

---