Хан-Уул дүүргийн 21 дүгээр хорооны нутаг дэвсгэр болох “Буянт-Ухаа 2" хорооллын 1034 дүгээр байрны урд "Жалга руу гурван зорчигчтой автомашин унах гэж байна" гэсэн дуудлага хоёрдугаар сарын 4-ний 19:24 цагт Онцгой байдлын газарт иржээ. 

Дуудлагын дагуу Нийслэлийн Аврах ангийн алба хаагчдыг очиход иргэн 53 настай эрэгтэй Т, 50 настай  эмэгтэй Э, 15 настай эрэгтэй Б нар “Тоёота Приус-41” загварын автомашинтай зорчиж яваад гулгасны улмаас 4-5 метрийн гүнтэй жалганы ирмэг дээр тэгнэсэн байжээ. Аврагчид шуурхай ажиллаж, автомашиныг татан татан гаргаж аюулгүй болгосон байна. 

---