"Эрдэнэс Тавантолгой" ХК-ийн хувьцааны 2022 оны ногдол ашгийг иргэдийн данс руу өнөөдөр шилжүүлнэ. Тэгвэл шинээр хувьцаа эзэмших эрхтэй болсон хүүхдүүдийн ногдол ашгийг хэрхэн олгох талаар албаныхан дараах тайлбарыг өгөв.

ЗГХЭГ-ын дарга Д.Амарбаясгалан:

-“Эрдэнэс тавантолгой” ХК-ийн 73 хувь нь төрийн мэдэлд, 27 хувь нь 3.4 сая иргэнд, 0.06 хувийг 487 үндэсний аж ахуй нэгж эзэмшиж байна.

Ингээд 2022, 2023 оны ногдол ашгийн дүн мэдээг хүргэе. “Эрдэнэс тавантолгой” ХК 2022 онд 1.3 их наядын ашигтай ажилласан байна. Энэ мөнгөнөөс 27 хувийг эзэмшиж буй 3.4 сая иргэнд 351 тэрбум төгрөг ногдож байгаа юм. Нэгж хувьцаанд оногдох дүн нь 108 төгрөг. Татвар суутгагдаад 104 мянган төгрөг өнөөдөр иргэдийн дансанд орно.

Энэ мөнгийг иргэдийн дансанд өнөөдөр шилжүүлнэ. 2.5 сая хувьцаа эзэмшигчийн мөнгө өөрсдийнх нь нээлгэсэн брокерийн компанийн дансанд нь орно. Шинээр 1072 хувьцаатай болсон 893 мянган иргэний мөнгийг хүүхдийн мөнгөний дансаар нь оруулахаар зохицуулсан байгаа гэв.

 

---