УИХ-ын гишүүн асан Т.Аюурсайхан, "Эрдэнэс Тавантолгой" ХК-ийн гүйцэтгэх захирал асан Б.Ганхуяг нарын 11 хүнд холбогдох хэргийн гэм буруугийн шүүх хурал 14 хоног үргэлжилж, завсарласан.

Шүүх бүрэлдэхүүн гурав дахь өдрөө зөвлөлдөж байна. Улсын яллагчийн зүгээс "Эрдэнэс Тавантолгой" ХК-ийн гүйцэтгэх захирал асан Б.Ганхуягийг албан тушаалаа урвуулан ашигласан, зохион байгуулалттай гэмт бүлэг байгуулсан, мөнгө угаасан гэх хэргүүдэд гэм буруутай гэж үзэж, 10 жилийн хорих ял оноох саналаа шүүхэд гаргасан байна. Шүүгдэгч нарын улсын яллагчаар Нийслэлийн прокурор Ц.Шагдар, Д.Даваадорж нар ажиллаж буй юм.

Т.Аюурсайхан, Б.Ганхуяг, Т.Түвшинбаатар, X.Батхишиг, О.Данзанлувсантүдэв, Б.Отгонжаргал, Г.Гантөмөр, О.Дагвадорж, И.Даваадорж, П.Бадамханд, Б.Эрдэнэбаяр нарын 11 хүнийг албан тушаалаа урвуулан ашигласан, зохион байгуулалттай гэмт бүлэг байгуулсан, мөнгө угаасан, авлига авсан, үндэслэлгүй хөрөнгөжсөн гэх үндэслэлүүдээр буруутгаж байна.

---