“Хот тохижилтын газар” ОНӨААТҮГ-ын ажилтнууд Гадаад харилцааны яамны урд талын зам буюу Олимпын гудамжны автозамын дундах хайсыг арчиж, цэвэрлэгээ хийж буй бичлэг өчигдөр цахим орчинд цацагдсан юм.

Иргэдийн зүгээс “Өвлийн хүйтэнд гараар нь замын хайс угаалгаж байна. Зориулалтын угаадаг машин авах хэрэгтэй. Үүрэг өгсөн дарга нь хэн бэ” гэх шүүмжлэлийг өрнүүлсэн юм. Энэ асуудлаар “Хот тохижилтын газар” ОНӨААТҮГ-ын дарга Б.Мөнхцэцэгээс тодрууллаа.

“Хот тохижилтын газар” ОНӨААТҮГ-ын дарга Б.Мөнхцэцэг:

-Манай байгууллага нийслэлийн 16 км замын арчилгааг л хариуцдаг болсон. Бусад замуудыг дүүргүүд хариуцаж байгаа. Олимпын гудамжны автозамын дундах хайсыг арчиж, цэвэрлэх ажил хийж байна. Өвлийн цагт хайсыг угаадаггүй. Хөлдчихнө шүү дээ. Даавуугаар л шороог нь арчдаг. Өвөл хайс угаадаг технологи ч байхгүй. Замын хайс маш их бохирдолтой байгаа учраас хуурай даавуугаар л арчиж байгаа юм. Түүнээс угаасан зүйл байхгүй.

Цахим орчинд нэг бичлэг байсан. Бээжинд болохоор зуны цагт усаар шүршээд, араас нь сэгсүүргэн зүйл гарч ирээд арччихаж байгаа юм. Манай улсад бол өвлийн цагт зориулалтын машинаар угаагаад, арчих боломжгүй. 

Бичлэг үзэх: 

---