Архангай аймгийн Ихтамир сумын нутагт өнөөдөр /2024.01.29/ өглөөний 05:27 цагт 3.5 магнитудын хүчтэй газар хөдөллөө.

Газар хөдлөлт тус аймгийн Чулуут сумын төвөөс урд зүгт 43 км, Булган сумын төвөөс баруун зүгт 53 км, Баянхонгор аймгийн Галуут сумын төвөөс хойд зүгт 57 км зайд болсныг ШУА-ийн Одон орон, геофизикийн хүрээлэн мэдээллээ. 

Он гарсаар тус суманд хоёр удаа дараалал газар хөдөлсөн. 2024.01.26-ны өдрийн өглөөний 08:12 цагт 4.4 магнитудын хүчтэй газар хөдөлсөн. Тус газар хөдлөлт газар зүйн байршлын хувьд Чулуут сумын төвөөс зүүн урд зүгт 41 км, Булган сумын төвөөс баруун зүгт 51 км, Баянхонгор аймгийн Галуут сумын төвөөс зүүн хойд зүгт 60 км-т болжээ.

Харин 2024.01.12-ны өдрийн шөнийн 01:39 цагт болсон газар хөдлөлт яг дээрх байршилд буюу Чулуут сумын төвөөс зүүн урд зүгт 42 км, Булган сумын төвөөс баруун зүгт 51 км, Баянхонгор аймгийн Галуут сумын төвөөс зүүн хойд зүгт 59 км зайд 3.6 магнитудын хүчтэй хөдөлжээ. 

---