ХЗДХ-ийн сайд Б.Энхбаяр үүссэн нөхцөл байдал нь авлига хүнд сурталтай холбоотой учир уг үндсээр гаргаж ирэхийн тулд сонсгол зохион байгуулах шийдвэр Засгийн газрын хуралдаанаар шийдвэрлэсэн гэж мэдээллээ. 

ХЗДХ-ийн сайд Б.Энхбаяр:

-Хэргийн газрын үзлэг шалгалт хийх, хохирлыг тооцох, хохирсон иргэдэд тусламж үзүүлэх асуудлаас гадна энэ асуудлыг Засгийн газрын хуралдаанаар өргөн хүрээнд авч хэлэлцлээ. Нэг удаагийн энэ асуудал нийслэл Улаанбаатар хотод дахин давтагдах болзошгүй эрсдэл өндөр байна.

Улаанбаатар хотод энэ осол давтагдаж болзошгүй. Зун үер болсон. Нийтийн тээврийн асуудал ямар байгааг та бүхэн мэдэж байгаа. Хоёр сар тэгш сондгойгоор явлаа. Даваа гаргаас эхлэн бүх дугаар хөдөлгөөнд оролцохоор байна. Сургууль цэцэрлэг эхэлнэ. Ирэх долоо хоногоос эхлэн 0 зогсолт руугаа орно.

Манай Улаанбаатар хот дотроо аюултай ачаа бараа тээвэрлэдэг. Тэр байтугай аюултай тээврийг хот дотроо төмөр замаар явуулдаг. Ойр ойрхон зайтай хороолол барилга, үйлчилгээний төвүүд байна. Тойрог замууд хэрэгтэй байна. Энэ бүгдийг цэгцэлж шийдэх гэхээр газрын асуудал яригддаг. Энэ бүх зүйлийн уг үндэс газрын авлига гэдэг зүйл дээр байна. Улаанбаатар хот бол дарьтай торх болж хувирсан байна. Хэн ч гарч ирээд эдгээр асуудлыг шийдэх боломжгүй нөхцөлд тулчихсан байна. 

Тиймээс асуудлын уг шалтгаан болсон сүүлийн 20 жилийн газар олголт, авлига нийтийн тээврийн асуудлаар дагнаж, иргэд олон нийтийн мэдэх эрхийг хангах хүрээнд Засгийн газар, УИХ-ын түвшинд Улаанбаатар хотын газар олголт, нийтийн тээвэртэй холбоотой асуудлыг хянан шалгах, нотлох баримтыг шинжлэн судлах сонсгол явуулах түр хороо байгуулна. Түр хороог ХЗДХ-ийн сайдыг ахалж ажиллах чиглэлийг Ерөнхий сайд өгсөн. 

УИХ-ын ээлжит бус чуулганаар Түр хороог байгуулах үүрэг даалгавар өгсөн. Энэ асуудлаар УИХ-ын даргад хандахаар болсон.

Түүнчлэн БЗД-ийн 26-р хороо орчмын газрыг “хүний, өөрийнгүй” хэсэгчилж зарсан асуудал байна. Монгол Улсын Ерөнхий прокуророос эхлээд Тагнуулын байгууллагын удирлага нь энэ хавийн газрын наймаанд оролцсон гэх мэдээлэл байдаг гэв. 

---