З.Энхболд, Б.Энх-Амгалан нарт холбогдох хэргийн шүүх хурлыг хоёрдугаар сарын 5-ны өдрийг хүртэл хойшлуулжээ. 

УИХ-ын гишүүн, Аюулгүй байдал гадаад бодлогын байнгын хорооны дарга Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох хэргийг шүүх хурал өнөөдөр /2024.01.19/ Баянзүрх, Сүхбаатар, Чингэлтэйн шүүхэд болов.

Өмгөөлөгчдийн зүгээс шүүх хуралд гэрчүүдийг оролцуулах хүсэлт гаргасныг үндэслэж шүүх хурлыг хоёрдугаар сарын 5-ны 8:30 цаг хүртэл хойшлуулжээ.

Эргэн сануулахад, Нийслэлийн прокурорын газраас УИХ-ын гишүүн Б.Энх-Амгалан, Ерөнхийлөгчийн Тамгын газрын даргаар ажиллаж байсан З.Энхболд нарт "эрх мэдэл, албан тушаалын байдлаа урвуулан ашигласан" гэх хэрэгт Эрүүгийн хуулийн 22.1 дүгээр зүйлийн 3 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Сүхбаатар дүүргийн Эрүүгийн хэргийн анхан шатны шүүхэд шилжүүлсэн байдаг.

---