"Зариг" сайтын эрхлэгч Н.Өнөрцэцэгийг цагдан хориод 41 хонож байна. Харин түүний хувийн данс болон "Ган үзэгтэн" ХК-ийн гүйлгээг нэг бүрчлэн шалгаж эхэлсэн байна. Энэ талаар сэтгүүлч М.Батбилэг өөрийн албан ёсны сошиал хаягтаа дараах мэдээллийг оруулжээ.

Сэтгүүлч М.Батбилэг:

-Сүхбаатар дүүргийн нэгдүгээр хэлтэст амралтын өдөр гэрчийн мэдүүлэг өглөө. "2019 оны арванхоёрдугаар сарын 10-ны үед сэтгүүлч Н.Өнөрцэцэг рүү бизнес мэдээний төлбөр гэж 400 мянган төгрөг шилжүүлсэн байна. Үүндээ ирж тайлбар өг" гэж дуудсан.

Шинэ жилийн үеэр хямралтай худалдааны бизнес мэдээний төлбөрийг шилжүүлсэн дээрээ тайлбар өгч байна шүү дээ.  Арай л муухай улайрч байгаа юм байна. Ямар аймар юм бэ! Н.Өнөрцэцэгийн компани, хувийн дансаар орсон бүх гүйлгээг шалгаж байгаа юм байна. Ажлаа хийж байгаа жирийн залуустай юу ярих билээ. Хуулийн байгууллага ажлаа хийж байгаа байх. Ингэж муухай мундагдуулж байгаа дарга нар үнэхээр их айдастай байна гэжээ. 

---