УИХ-ын чуулганы нэгдсэн хуралдаанаар Монгол Улсын Ерөнхийлөгчөөс 2024 оны нэгдүгээр сарын 5-ны өдөр УИХ-д өргөн мэдүүлсэн Элчин сайд нарыг эгүүлэн татах, томилох асуудлыг зөвшилцөх саналтай оруулсныг хэлэлцэж, нууц санал хураалтаар шийдвэрлэлээ. 

Ингээд 

• Монгол Улсаас Бүгд Найрамдах Солонгос Улсад суух Онц бөгөөд Бүрэн эрхт Элчин сайдаар С.Сүхболдыг;
• Монгол Улсаас Бүгд Найрамдах Польш Улсад суух Онц бөгөөд Бүрэн эрхт Элчин сайдаар Г.Байгалмааг;
• Монгол Улсаас Шведийн Хаант Улсад суух Онц бөгөөд Бүрэн эрхт Элчин сайдаар Ц.Мөнх-Өлзийг;
• Монгол Улсаас Нэгдсэн Үндэстний Байгууллагын дэргэд суух Байнгын төлөөлөгчөөр Н.Анхбаяр нарыг томилох нь зүйтэй гэж үзлээ. 

Чуулганы хуралдаанаар зөвшилцсөн саналыг Ерөнхийлөгчийн Тамгын газарт албан бичгээр хүргүүлэх юм.

---