УИХ-ын Ардчилсан намын бүлгээс Гадаадын хөрөнгө оруулалтын тухай хуулийн төсөлд завсарлага авахыг хүсэв. 

Гадаадын хөрөнгө оруулалтын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг өнөөдөр УИХ-ын чуулганы хуралдаанаар хэлэлцэх хуваарьтай байсан. Гэсэн ч зарим гишүүдийн зүгээс тус хуулийн төслийг хэлэлцэх шаардлагагүй гэдэг байр суурийг илэрхийлсээр байгаа юм.

УИХ-ын Ардчилсан намын бүлгээс Хөрөнгө оруулалтын тухай хуулийн төслийн талаар завсарлага хүссэн юм. 

УИХ-ын дарга Г.Занданшатар:

-УИХ-ын намрын чуулган завсарлах дөхөж байна. Гадаадын хөрөнгө оруулалтын тухай хууль чухал ач холбогдолтой. 

Тус хуулийн төслийн талаар Засгийн газрын гишүүд өөр өөр байр суурьтай. УИХ-д маргаан мэтгэлцээн өрнүүлж байна. Тиймээс АН-ын бүлэгт ажлын гурван хоногийн завсарлага өгч байна гэв.  

---